Delege
Zouzoun kase yon tradisyon. Si depi lontan yon delege te jis la pou
siveye_rapòte sou zak Majistra yo ap poze, delege Zouzoun, devan konpòtman
manfouben otorite Tomond yo, deside limenm bouske toupatou pou rezoud yon seri
gwo pwobèm k ap brase bil kominote Tomond la.
https://www.mercaly.com/
Depi
nenpòt dis (10) lane, abitan nan komin Tomond pa sispann plenyen pou zafè dlo
ki vin pi ra chak jou. Si lontan moun te konn jwenn dlo pou bwè, wouze, fè
manje agogo, depi kèk tan se yon kalvè pou w jwenn ti dlo pou pase swaf. Moun
blije pafwa leve plenmennuit oubyen bonè nan maten pou al fè lakilbit nan ti
sous dlo chaje ak mikwòb, oubyen apante kay an kay toutjounen pou wè si yon ta jwenn yon ti gout dlo. Pandansetan
Kolera ak lòt maladi moun pran nan dlo mikwòb pa sispann tayebannda nan komin
nan.
https://www.mercaly.com/
Delege
Zouzoun, Tankou Manuel nan « Gouverneur de la rosée », te frape pòt
gwo otorite yo nan vil la pou wè kouman yo ta amelyore sitiyasyon malouk sa a.
Malerezman ni depite ni majistra pa t koupe l kout je menm alewè bay lespwa.
Nan yon ti chita pale SOJETHO te fè ak Delege a, li te montre l vrèman estomake
devan ensousyans ak manfoubinis otorite Tomond yo. Men malgre desepsyon, delege
Zouzoun te jwenn sipò moral sitwayen Jhonson PERALTE, Ansyen delege Deronel
BAZIL, SOJETHO, selon temwayaj li,pou te fè demach bò kote Remy
RAPHAEL,responsab nan World Vision ak Delege Depatmantal la Marie Denise
Bernadeau, nan lide pou te kapte de (2) sous dlo (Sous Dawonmen) nan zòn Kalfou
Vèvè pou koupe swaf moun nan zòn sa ak moun ozanviwon yo. Konsa,
World Vision ak Delege Depatmantal la te
kore delege Zouzoun epi bay bourad nesesè ak aktivite sa a jan yo kapab.
Alèkile World Vision bay anpil bourad nan zafè dlo nan platosantral.
https://www.mercaly.com/
Enben,
gras ak Delege Zouzoun, World Vision, Delege Marie Denise Bernadeau epi sipò
SOJETHO e anpil lòt sitwayen konsekan, Kalfou Vèvè pral gen de rezevwa dlo ki
ka bay nenpòt 7 mil moun dlo aprè 15 jou travay san pran souf. Yon responsab SOJETHO ki te souplas temwaye angouman moun
yo pou travay sa a rive nan bout li e lamanjay tout moun jwenn chak jou sou
santye a gras ak Delege Depatmantal la. Delege Vil tomond la konsyan tout moun
alawonnbadè nan p ap ka jwenn dlo kòmsadwa. Men, li rete konfyan li ap atenn
objektif sa a kanmenm yon jou.
https://www.mercaly.com/
Delege
Zouzoun ( Rosena JEAN ) se yon delege depatmantal ki vin kase yon tradisyon .
Li pa senpaman rete tann Majistra ak depite yo. Li mete kannsonn nan tay li pou
l ede nan amelyore kondisyon lavi moun tomond. Objektif li se wè Tomond vin yon komin kote moun ka viv toutbon.
Wilson Archange Saint-Brun
Responsab Relasyon Piblik nan SOJETHO
Aucun commentaire:
Enregistrer un commentaire